स्वयंसेवा कसरी गर्ने (How to volunteer - Nepali)

औपचारिक स्वयंसेवा सामान्यतया गैर-नाफामुखी सामुदायिक संस्थाहरू मार्फत आयोजना गरिन्छ। यिनीहरूलाई 'स्वयंसेवी-सम्मिलित संस्थाहरू' पनि भनिन्छ। औपचारिक स्वयंसेवा पदको लागि आवेदन दिनु भनेको जागिरको लागि आवेदन दिनु जस्तै हो।

स्वयंसेवा दिने संस्थाहरूले प्रायः आफ्नो आवश्यकतासँग मिल्दोजुल्दो व्यक्तिहरू खोज्ने प्रक्रिया अघि सार्छन्। यदि तपाईं औपचारिक स्वयंसेवक पदको लागि आवेदन दिन चाहनुहुन्छ भने, संस्था र उपलब्ध कामको प्रकारको बारेमा सकेसम्म धेरै कुरा पत्ता लगाउनु महत्त्वपूर्ण हुन्छ। तपाईंले गर्न चाहेको काम छ कि छैन् भनेर पत्ता लगाउन यसले मद्दत गर्नेछ।

प्रारम्भ

स्वयंसेवाको लागि तयार हुने पहिलो चरण भनेको निम्न कुराहरू बारे सोच्नु हो:

• तपाईंले गर्न चाहनुभएको स्वयंसेवा कार्यको प्रकार
• तपाईंको रुचि र जोशजागर, र तपाईंले काम गर्न चाहेको संस्थाहरूका प्रकार
• स्वयंसेवकको अनुभवबाट तपाईंले राखेको आशा
• तपाईंले दिनुपर्ने समय
• तपाईंले स्वयंसेवा गर्न चाहेको नियमित समय, उदाहरणका लागि एक पटक मात्र, साप्ताहिक वा मासिक।

थप मापदण्डहरू

संस्थाहरूले वयस्क युवाहरूलाई स्वयंसेवामा संलग्न गराउनु अघि अभिभावकको सहमति लिन आवश्यक पर्न सक्छ। वयस्कहरूले प्रहरी जाँच (police check) वा बालबालिकासँग काम गर्दा बुझाउनु पर्ने जाँच working with children check उपलब्ध गराउन पर्ने हुनसक्छ। केही स्वयंसेवकका भूमिकाहरूका लागि तपाईंले अन्तर्वार्ता वा तालिम सम्बन्धी अध्ययन गर्नुपर्ने हुन सक्छ। यसले बहुमूल्य सीप र अनुभव प्रदान गर्न सक्छ।

स्वयंसेवी-सम्मिलित संस्थाहरू खोज्ने सम्बन्धमा

तपाईंको लागि उपयुक्त स्वयंसेवाको भूमिका र सामुदायिक संस्था खोज्ने धेरै तरिकाहरू छन्। केही विकल्पहरूमा निम्न समावेश छन्:

• आफ्ना साथीभाइ र परिवारलाई सोध्नुहोस् कि उनीहरूले के गर्छन्।
• तपाईंको स्थानीय पुस्तकालय मा रहेको सामुदायिक सूचना बोर्ड हेर्नुहोस्।
• Ask Izzy विभिन्न सामुदायिक सेवाहरू प्रदान गर्ने स्थानीय संस्थाहरू सूचीबद्ध पुस्तिका हो।
• स्थानीय काउन्सिल को वेबसाइटहरूमा प्रायः सामुदायिक ठेगाना पुस्तिकाहरु हुन्छन्, र धेरैले थुप्रै स्वयंसेवाका कार्यक्रमहरू पनि सञ्चालन गर्छन्।
• स्वयंसेवा भिक्टोरिया ले तपाईंलाई स्वयंसेवकका भूमिका खोज्न मद्दत गर्ने जानकारी र खोज उपकरणहरू उपलब्ध गराउँछ।
• जागिर सम्बन्धी जानकारी दिने साइटहरूले पनि स्वयंसेवाका अवसरहरू सूचीबद्ध गर्न सक्छन्।

भिक्टोरियाका विभिन्न क्षेत्रहरूका बारेमा स्वयंसेवा बारे जानकारी प्राप्त गर्नको लागि तपाईंले स्वयंसेवा संसाधन पृष्ठ पनि पढ्न सक्नुहुन्छ।